Búdapest í febrúar

Þegar það er 15 stiga hiti og sól er fínt að rölta í rólegheitunum úr skólanum með einhverja hressandi músík í æpod. Yfirleitt þegar ég labba í eða úr skólanum þá arka ég og horfi oní gangstéttina en í dag var ég hálf lúin eftir þriggja tíma grasafræði (það er ómanneskjulegt að láta fólk sitja inní í þrjá klukkutíma og tala um fræ) og rölti þessvegna. Og þegar maður röltir þá sér maður meira það sem er í kringum mann og þá sem labba framhjá manni. Í dag þegar ég rölti framhjá strætó sá ég mér til mikillar furðu hvar strætóbílstjórinn tók sér dágóðan smók af sígarettu. Ef hann hefði staðið fyrir utan strætóin sinn í sígópásu þá hefði ég ekki numið staðar en þar sem hann sat inní strætó og var við að sameinast umferðinni gat ég ekki annað en stoppað og glápt. Hvernig er hægt að ætlast til að fólk hætti að reykja í þessu landi þegar það má reykja í strætó og það þarf að taka það sérstaklega fram að það má ekki reykja í skólabyggingunum.....þessvegna keypti ég mér los nikótínótyggjó aftur; þvílíkur unaður.

Ég á mína eigin ávaxta/grænmetiskonu. Ég á öll mín ávaxtaviðskipti við hana; alltaf og þegar hún er ekki við og ég ávaxta/grænmetislaus þá fæ ég kvíðakast. Á mánudaginn þurfti ég að beina viðskiptum mínum til konunnar á básnum við hliðina á þar sem minn bás var með öllu lokaður. Þessi kona sér mig koma tvisvar í viku, arka að básnum mínum, eiga mín brosmildu viðskipti og arka í burtu með fullan poka af vörum. Ég hef grun um að henni hafi liðið eins og second hand vændiskonu þar sem hún valdi ónýtar appelsínur handa mér og svo voru bananarnir heldur ekki góðir. Í dag fór ég á minn bás og fékk dýrindisbanana og appelsínur og epli. Við erum orðnar ágætis vinkonur; nú þarf ég bara að læra málið og þá förum við að fara að fá okkur kaffi saman.

Ég á að vera að læra. Er samt búin að vera læra í dag síðan ég var búin í skólanum....eða svona nærri, horfði á tvo þætti af Klovn meðan ég borðaði soðið grænmeti með tómatsósu. Ég var að lesa um æðarnar í hausnum og ég held svei mér þá að við lesturinn hafi allavega tvær sem ég var að lesa um poppað í hausnum á mér. Þetta er eins og landakort af Indlandi og ég þarf að læra utanaf allar smágötur sem bera nafn.........Gotta love it.

Það er annars að frétta af rúmenska rómansinum að það er von á honum í næstu viku. Ég sagði honum reyndar að það væri kjánalegt að koma á sunnudegi þar sem ég er í skólanum á virkum dögum. Hann getur dundað sér við að leita að fínum skóm fyrir mig eða eitthvað svona í líkingu við það. 

Aftur að lærdómnum og nú skal það vera efnafræði....júhú! 

mamma verður 14 á föstudaginn! 

Læknisheimsókn

Ég nenni ekki að skrifa neitt allt of mikið um læknisheimsóknirnar sem ég átti í dag. En eins og venja er fór ég fyrst til heimilislæknis (hef aldrei haft mikla trú á þeim nema maður sé með streptokokka eða kvef). Lenti á þessari líku stórfurðulegu bollukonu, sagði henni að mér illt í ökklanum og eitthvað bla. Nema hvað að hún forwardaði mig á sérfræðing og ákvað að skrifa smá sjúkrasögu (ekki veit ég afhverju, ég er ekki veik bara illt í ökklanum). Fyrir það fyrsta þá staðsetti hún sársaukan á vitlausan stað og svo allt í einu vildi hún fá að kíkja uppí mig og ég var mikið að spá í hvernig hálsinn á mér væri tengdur verk í ökkla. Ég verð að láta sjúkrasöguna sem hún skrifaði fylgja, þetta er hilaríus:

 "Past medical history: nothing

Currently: right ancle pain (from 2 days very badly), but this from 1,5 year. Before: no cold,no inflammation, no fever, no throat sore, nothing

Good physical status, pain in right ancle, in Achilles, no fever, no sore throat, no inflammation in throat, bu in right side (in submand. region) nodes (no tenderness, no painful), no throat inflammation, clear tonsils

Diagnosis: Achilles inflammation (?) in the right ancle"

Þetta er skrifaði af heimilslækninum. Ég er ennþá að reyna að átta mig á hvað hiti, hálseymsli, kvef og kirtlar hafa að gera með ökklann. Og greiningin hennar var röng....hvernig þessi manneskja komst í gegnum læknisfræði skil ég ekki, sérstaklega í ljósi þess að skólarnir hérna eru ekkert grín. Það er allvega alveg ljóst að ég er ekki með hálsbólgu eða sýkingu í hálsi.....

Svo þurfti ég að borga og ég gat ekki annað en brosað útí annað: TIH=This is Hungary.

En sérfræðingurinn minn var afskaplega indæll og talað hreint ágætlega ensku þó hann hafi sagt að ég ætti að message my muscle. Skilaboðin komust til skila og hann heimtaði ekki að skoða hálsinn á mér. Ég ætla á annað deit með honum á miðvikudaginn! 

 

Niðurtúr

Hlaut svo sem að koma að því. Það er ekki hægt að búast við endalausum rósrauðum, vellyktandi dögum. Æfing í gær, hápunktar vikunnar er þegar ég fer á æfingar; skemmti mér konunglega og fæ útrás sem ekki næst að losa við skrifborðið. Ég fann fyrir smávegis ökklaóþægindum áður en ég fór á æfinguna en ákvað að vera ekkert að spá mikið í þeim. Óþægindin voru enn til staðar eftir æfinguna en ég ákvað að þau myndu lagast yfir nóttina.....ræt. Þegar ég vaknaði í morgunn var verkurinn þvert á móti farinn. Í staðinn er hvert fótatak vont og sífelldur seiðingur og þegar ég rétti úr eða kreppi ökklann þá er eins og bein nuddist í bein. Þetta er svo ógeðslega vont og óþægilegt. Skil ekki hvað er með þennan fokking ökkla. Þetta þýðir það að ég þarf að taka mér pásu frá æfingum (gvuð veit það þarf að vera löng pása) og díla við helv...læknana hérna. Ekki svalt, sérstaklega þar sem bæklunarlæknirinn heima sagði að ef sterarnir sem hann sprautaði inniá liðinn í sumar myndu ekki redda málunum þá væri næsta úrræði aðgerð.....frábært og ég er föst í ungverjalandi fram í byrjun júlí.  Og hérna er þarf að borga læknunum undir borðið til að fá viðeigandi þjónustu þar sem þeir eru svo miklum skítalaunum!

Oki....ógisslega hress færsla....not!

Svo er þessi antióléttupilla verk djöfulsins. Gott ef bobbingarnir á mér séu ekki að verða á stærð við tvær myndarlegur melónur.....aint diggin it!

Ég ætla að fara að halda áfram að velta mér uppúr sjálfsvorkun og virkilega sársaukafullum ökkla! 

Mér langar..

Ha....náði ykkur!

Sólin skín fyrir utan gluggan minn og mig langar svoo mikið að fara á hestbak. Reyndar langar mig á hestbak heima í nýja hesthúsin og fara í góðan túr með hansa. Drekka svo kaffi og dýfa súkkulaðikexi oní og jafnvel sulla smá viskí útí það. 

Það er ekta hestbakveður hérna; sól en kalt og hreyfist ekki hár á höfði. Oooooo, hvað mig langar hestbak!

Síðasta færsla

Sem ég skrifaði var löng og skemmtileg og hnyttin og frábær í alla staði. Þegar ég hafði lokið við að lesa hana yfir þrýsti ég þéttingsfast á Vista og Birta takkan, beið í dulitla stund og færði mig svo yfir á slúðursíðurnar. Þegar ég ætlaði svo að lesa færsluna aftur til að fullvissa sjálfa mig um hvað ég væri nú skemmtileg var engin ný færsla. Sama gamlan færslan blasti við mér og ekki tangur né tetur af þeirri nýju hnyttnu.  Líkurnar á því að ég skrifi eins langa færslu núna eru afskaplega litlar.

Ég er í tíma þessa önnina sem er Grasafræði. Ég man þegar ég tók grasafræði í Háskólanum, hvað mér fannst þetta algerlega fáránlega og tilgangslaust og asnalegt fag. Ég lét líka kennarana óspart vita af því hvað mér þætti kjánalegt að teikna upp fræ og blóm eins og sex ára gemlingur. Kennararnir mínir tveir í grasafræði hérna eru stórstórfurðulegir. Fyrirlesarinn blastar mozart meðan hann þylur upp latnesk heiti á fíflum og sóleyjum og verklegi kennarinn.......jah, hún er bara einkennileg í alla staði. 

Rúmenski rómansinn er ennþá on. Hann hringir endrum og eins.....ég er að fíla longdistanrómans, miklu meira spennandi auk þess get ég hagað mínum tíma eftir mínu höfði. Ég ákvað að fyrrverandi miss rúmenska kærastan hans hafi unnið Miss Rumenia í óbeislaðri fegurð. Og ég ætla að halda áfram að trúa því þar til ég fæ áþreifanlegar sannanir.

Fyrsta vikan

Það er alltaf pínu maus að byrja aftur og koma af sér fyrstu vikunni. En ég verð að viðurkenna að það róar mig að vita að ég sé komin aftur í rútínu; skóli, læra, æfa, kaupa í matinn alltaf á sama degi og alltaf á sama tíma. Ég verð eitthvað svo rótlaus og órólega þegar ég á ekki rútínu, þegar dagarnir liggja bara einhvern veginn í lausu lofti. Erell er strax farin að sakna þess að vera í fríi......við erum á öðrum degi. Ég ákvað að taka prósakfílingin á þetta og líst bara vel á kúrsana (búin að stimpla það í hausinn á mér), nema kannski efnafræðina en það er bara vegna þess að kennarinn talar á hraða skjaldböku án fóta og ég held hann hafi gleymt að setja uppí sig efrigóminn í dag.

Var á æfingu áðan.....þetta verður bara skemmtilegra með hverri æfingu. Pínu spark hér og þar með dass af fimleikum og dansi. Ætlaði mér að prófa Art jazz en kemur í ljós að það er á sama tíma og capoeira og það er víst ekki hægt að gera allt sem maður vill.  Á morgunn er stuttur skóladagur og planið er að fara á húðflúrstofu.....en örvæntið ei, ég er að fara með Tonje sem ætlar að fá sér gat einhversstaðar en ef ég skildi verða svo heppin að rekast undurfagra mynd........well! Svo ætla ég að læra og læra aðeins meira og ég hugsa að ég endi kvöldið á smá heimsókn til Miss iceland (katla).

Annars hitti ég afskaplega myndarlegan mann; fyrrverandi kærastan hans er Ungfrú Rúmenía. Ég er enn að gera það upp við mig hvort ég hafi áhuga og potential að keppa við það. Ég gæti hugsanlega unnið hana í Miss blaze; því það eru fáir sem skarta eins fagurri blesu og ég!

Hugsa að best væri að koma sér í háttin þannig ég geti vaknað á morgunn og búið mér til undursterkt kaffi. Það er eina leiðin til að hugsanlega ná að vaka þann tíma sem maðurinn í efnafræðinni bablar um 3 efni á tveimur tímum, gvuð minn góður! 

 

Úúúúúje

Búin að fá úr öllum prófum. Náði öllum prófum og með fínar einkunnir nema kannski stærðfræðin en hverjum er ekk sama um það; það er ekki eins og ég ætli mér að sitja á rassinum og reikna laun allan daginn.

Þannig nú er ekkert annað að gera en að demba sér í næstu önn og missa ekki móðinn yfir grasafræðinni frábæru. Ég get ekki beðið eftir að fara að teikna fræ og blóm og svona hressleika!

Er að spá í að fara og horfa á einhverja bíómynd eða leggja mig eða eitthvað svona áður en ég fer á los æfingu!

Aaaaa, fíls gúdd!