blogg á mánudegi getur aldrei verið annað en neikvætt

Áhugaleysi og neikvæðni einkennir lundina þessa dagana. Klærnar skjótast fram við minnsta þrusk og kaldhæðni nær að skjóta sér inní aðra hverja setningu, be aware! Ef ég mætti ráða þá væri ég einhversstaðar útí heimi að sötra á einni blóðugri sem missti meydóminn í svaðalegri orgíu á einhverri ennum svaðalegri strönd. En ég verð að næga að láta mig dreyma um það því: a)peningarnir flýja frá mér eins og ég beiti þá einverju ofbeldi ef þeir eru í veskinu. b) er í þessum skóla sem vekur allt annað en áhuga hjá mér og ég skal veðja að það er eitthvað meira sem hamlar mér að skella mér eitthvert þangað sem sólin sýnir anditið á sér oftar en á fimmhundruð daga fresti.

Það er ekkert annað að gera en að hífa upp sig brækurnar, spýta í lófana og taka því sem koma skal! Stórkallalega; rymja, ropa og prumpa og skella svo í sig einu brennivínsskoti og dúndra einmana glasinu í vegginn.

TIL HAMINGJU ÍSLAND með að hafa loksins sýnt að við erum ekki hallóskagfirsksveiflu þjóð. Djöfull er ég ánægð með að glamúrofurkroppur verði send til Aþenu. Hugsanlegt að miðaldrakerlingar með gyllinæð eigi eftir að liggja með lélegar taugar eftir atriðið en þær ættu jafnvel að hafa það hugfast að stúlkan með þrílita hárið og yfirdrifna málninguna getur verið þeim smá uppörvun í rúminu. Skella á sig makeup, glama upp bónusgreiðsluna með hárlakki, skella sér í silfraðan g-streng og......menopause er horfin. Miðaldra kerlingar farnar að fíla kynlíf aftur.


In while crocodile!