magni,magni,magni.....latino

ÆÆÆ...hann er magni er svo mikil dúlla að syngja svona fínt í Rockstar Supernova. Þó verð ég að segja að mér finnst þetta einstakleg lágkúra þessi þáttur, það eru allir svo yfirfullir og uppteknir af því að vera rokkarar en samt sentimental skáld/lagahöfundar að ekkert þeirra reynist sannfærandi og útkoman verður hálfklisjukennd rómantík með tárum og smá blóði. Ég skal samt viðurkenna fúslega að ég sest niður með móður minni og horfi á þáttinn og svo hneykslumst við sameiningu. Dilana, hún er afar hress með öll sín göt og tattú og whiskyvoice, svo er hún líka með afar litríkt hár sem hún fékk á Ibiza eftir sýrutripp og einum of margar e-pillur. Bróðir hennar lúkas lenti aftur á móti í fóstri hjá skunkum og lyktar þar af leiðandi einkennilega og er með nokkra skunka í fóstri á hausnum á sér. Og magni, og hann magni okkar með sinn snoðaða haus og fína skegg! Hann stendur sig eins og sannkölluð hetja, sannkallaður víkingur, sannkallaður iceman! Vill hann komast áfram.....spurning

 

Var að koma heim frá Kongsens Köben sem kemur alltaf eins mikið á óvart og er alltaf eins skemmtileg. Hlakka til að flytja þangað og vonandi að það verði sem fyrst! Madonna var sexí, seiðandi og svakaleg og við stúlkurnar + einn maður skemmtum okkur konunglega og létum okkur það ekki nægja heldur héldum áfram að dansa við latinodanssnilling fram á rauða nótt. Mæli með: madonnu tónleikum í horsens (sorrí þeir eru búnir, þið misstuð af þeim), dans við latinodanssnillinga, köben í sól eða rigningu, s-tog og allt annað sem er gaman 

logið upp í opið geðið á landanum

Það fylgdi eitthvað nýtt, lélegt blað með fréttablaðinu í dag frá hinu eiturtönuðu, úlfmössuðu og öfgasvölu fólki flass.net! Eins og gefur að skilja er blaðið illa sett upp og pistlarnir álíka góðir og hjá Gunnari í Krossinum. Í blaðinu var stutt viðtal við Dr. Mister og Mr. Handsome þar sem þeir eru agitera fyrir að kaupa diskinn sem heitir svo ósmekklegu nafni að mér liggur við uppköstum þegar ég heyri það. En það sem olli mér hvað mestu hugarangri var staðhæfing þeirra að hvorugur notaði kókaín og þessi klausa "Nota ekki kók" var höfð á forsíðu blaðsins. Hvaða maður sem stundar skemmtanalífið í Reykjavík 101 veit vel að þetta er helber lygi og sögur að Englandsdrottning væri á leið í kynskiptiaðgerð væru trúverðugri.

Geta þeir ekki sleppt því að tala um kókaín í viðtölum, við heyrum jú nóg um að í lögunum þeirra.

.......

góðir hlutir gerast hægt.....

og hvað ef maður er svona óþolinmóður eins og ég! Gerast þeir þá aldrei? Kræst

Reyndar er afskaplega góður hlutur í vændum, jafnvel tveir! Þannig ég ætti kannski ekkert að vera að kvarta.....en samt sem áður þá ætti að vera eitthvað varaplan fyrir þá sem eru óþolinmóðir! Annað er bara misrétti! 

 

íííííííhaaaa!

Það er svo gaman í vinnunni minni! ég elska vinnuna mína og mig langar ekki að hætta og hananú!

skylda!

 

Ef þið eruð að browsa netið hvort eða er!

AAAAAAAAAAAAA

ég nenni ekki að blogga....bara nenni því ekki! er bara svo agalega löt þessa dagana að ég barsta nenni því ekki! 

en það er nú svosem allt í lagi! það er nú svo mikið annað sem hægt er að skoða á netinu annað en mína síðu!

Kíkið á þetta!Þetta eru hugleiðingar rithöfunds um ástæður stríðsins í Líbanon! Ég á hugsanlega eftir að skrifa hatursfærslu í garð ísraelsmanna! jebbs, inamin er orðin full fordóma, sorrý krakkar en þannig er það bara! 

ps. Biðjið fyrir líbönum! 

sofandi fólk

ég kann ekki við sofand fólk! Ég skil ekki hvað er svona krúttlegt við sofandi fólk, þá finnst mér það nú skemmtilegra þegar það er með meðvitund. Af þessari annarsmannssvefnfóbíu minni þá á ég mjög erfitt með að vera andvaka í útlegum því þá er ég umlukin sofandi fólki með mismunandi slök andlit og mismunandi hljóð og mismunandi kippi og ég á voðalega erfitt með að höndla svona situation! Þá fæ ég tremma og þarf að færa mig um set! 

Þessi maður er gott dæmi um það sem ég hræðist hvað mest og svo er hann með unibrown sem gerir það ekki betra!  

............

alltí einu ákvað sumarið að skella sér úr felubúningum og láta sjá sig! Afskaplega spennandi og fólk alveg tanast í röðum milli þess sem að það skellir sér útúr bænum með nýju hjólhýsin sín með þvottavél og öllu tilheyrandi! Ég fór í þórsmörk í megaafmæli sem var afskaplega hressandi fyrir utan það að datt á tré, það er ekki á færi allra! Datt á það þegar ég og hansinn minn fórum í agalega fallegan göngutúr, það er voða fínt þarna í þórsmörk.

mæli með því að fólk fari útúr bænum í göngutúr þegar færi gefst en vil þó vara fólk við árasagjörnum trjám... 

ég

Ég fann mynd af mér á netinu! Myndagooglaði nafnið mitt og þetta var ein af myndunum sem kom upp!

Þarna er ég að spila á bongótrommurnar mínar sem er eitt af mínum aðaláhugamálum! Ég eyði líka dágóðum tíma í að snyrta mottuna mína og trimma hárið nokkrum sinnum á dag líka! Tíma pantanir í síma: 00876 5777788833 

Vörubílar

Nú er ég komin á bíl, ekki minn eigin eins yndislegt og það væri heldur hennar írisar sem var svo greit að lána mér litla yariskrúttið sitt meðan hún sólar á sér kroppinn á marmaris. Nema hvað, þar sem ég var að keyra í dag lenti ég eins og svo oft áður fyrir aftan vörubíl....hvítur, venjulegur vörubíll! Og við vitum öll hvað vörubílar flytja; timbur, húsgögn, búslóðir eins og þær leggja sig, hjálpartæki ástarlífsins.....Jebbs þessi bíll var að flytja hjálpartæki ástarlífsins El Erotica eða eitthvað. Og ég fór svona að brjóta heilann um hvaða leikfang gæti verið svo stórt að það þyrfti heilan vörubíl og ég komst ekki að neinni niðurstöðu! Og gaurinn sem sat við stýrið, alveg eins og gaur sem keyrir vörubíl fyrir hjálpartæki ástarlífsins; sveittur, há kollvik, feitur og subbulegur í alla staði! 

Ef ykkur dettur eitthvað í hug sem er nógu stórt að það þurfi vörubíl endilega commentið!